تم نشر تقرير في جريدة الراي بتاريخ 1-8-2009 عنن عدد الاسئلة البرلمانية، و كانت الاعداد الاسئلة المبينة بالتقرير هي 703 سؤال برلماني و 362 اقتراحا بقانون و312 اقتراحا برغبة. و على فكرة هذي الارقام كلها خلال شهرين فقط !!!
طبعاً اغلب الاسئلة الموجهة ما تسوى انك تسأل فيها حتى سيكيوريتي الورزاره، و لكن هذا حق لكل نائب بأن يوجه السؤال و ان يحصل على إجابة لهذا السؤال.
703 سؤال برلماني خلال شهرين بس !! مو جنه وايد ؟
و طبعاً كثير من هذه الاسئلة تكون بس شكلية يعني بس بالجريدة و ما يكون سؤال رسمي للوزير، و هالحركة تمشي على وايد ناس، لاكن لو نشوف موقع مجلس الامة الرسمي راح تشوف البلاوي. وايد من هالاسئلة اللي نشوفها بالجرايد مو موجودة بموقع مجلس الامة.
المهم مو هذا السبب اللي جرني الى كتابة الموضوع، لكن اللي لفت انتباهي هو ان كل يوم النواب يشرفونا بالجرايد و يوجهون الاسئلة الشكلية و الحقيقية بس ولا مرة شفت احد من الحكومة يرد على هذه الاسئلة !! ليييش!! ليش ما يكوون في متحدث رسمي بأسم الحكومة يرد على الاسئلة البرلمانية، ليش ما يكون في متحدث رسمي بأسم كل وزارة يرد على اسئلة الموجة للوزير؟!
إحنا كناس متابعين بس نقرا الاسئلة بدون اجوبة، ما ندري بعدها شيصير وشنو الجواب شنو رد الوزير !! ليش ما يكون في شفافية اكثر من طرف الحكومة ؟!
سبحانك اللهم وبحمدك أشهد أن لا إله إلا أنت أستغفرك وأتوب إليك
المشاركات
اغلب النواب والحكومه كلها وبدون استثناء جمبازيه
ردحذفاذا 32 مغفل صادوهم حكومة الجمبازيه بسالفة الاعلانات
تبي الحكومة ترد على اسئلة المغفلين
اتفق معاك اخوي بخصوص الاسئلة الغبية او الشكلية اللي تكون بس للرصيد عشان يقول النائب انا وجهت اكثر من 0000 سؤال،
ردحذفو لاكن هناك اسئلة من نواب نحترمهم و نقدرهم ليش ما يكون في رد على هذي الاسئلة بالجرايد؟
(703 سؤال برلماني خلال شهرين بس !! مو جنه وايد ؟ )
ردحذفسيـدي الفاضل الطابـور السـابـع .!
لا أعتبـرها كثيـر إما لأنها لم تجاب أو أن النائب يعيد السؤال متوقعـا إجابـة أخـرى .
أما موضوع شفافية الحكومة أنا أعتقد إما حقا لا يوجد هناك وضوح و شفافية أم أن بعض الاستفسارت لا تجاب فحسب .
اختي أثر،
ردحذفانا لست ضد كثرة الاسئلة بالعكس انا مع السؤال ولكن لست مع الاسئلة الشكلية التي فقط تسئل لتكون رصيد للنائب.
شكراً